پیسخولوژی‌ایله أدبیات / پیسخولوژیک-رادیو کایزن / ایلقار موذن زاده

پیسخولوژی‌ایله أدبیات / پیسخولوژیک-رادیو کایزن / ایلقار موذن زاده

 

“ایلقار موذن‌زاده” جنابلاری‌ایله کئچیریلمیش موصاحیبه‌نین خولاصه‌سی:
آذربایجان تورکجه‌سینده ایلکین پیسخولوژیک رادیو اولاراق “رادیو کایزن” آبان آیی‌نین اون-بیرینده بیرینجی برنامه‌سی‌نی تلگرام‌دان یاییملاماقلا دوغولدو. پیسخولوژی ساحه‌سینده چالیشدیغیم اوچون نئچه ایل‌لردیر کانال و گروهوم‌دان چوخلو سورغولار ایره‌لی سورولوردو و سورغولاری فارسجا یازی فورمتینده و سس‌لی فایل بیچیمینده یاییملاماغا چالیشیردیم. چوخ زامان‌لار بوندان اؤنجه أساس دغدغه‌لریمدن بیری بو ایدی کی آذربایجان تورکجه‌سینده پیسخولوژی بیلیمی حاق‌دا بیر ایش‌لر گؤرم. بیزیم تورکجه‌میزده تأسسوف‌له یالنیز شعر و أدبیات یایغین شکیلده خالق آراسیندا چالیشیر. دئمک باشقا بیلیم‌لرده آذربایجان تورکجه‌میزده هئچ بیر ایش گؤرولمه‌ییب و گؤرولسه ده چوخ چوخ آز اولوب. دئمک فلسفه، پیسخولوژی، سیاست، سوسیولوژی، حقوق و چوخلو باشقا ریشته‌لرده آذربایجان تورکجه‌سینده کؤکدن بیلیم‌سل ایش‌لری گؤرمک لازیم‌دیر.

پیسخولوژی‌له أدبیات آیریلماز اولدوغو اوچون بو ایشی یاخجی قاباغا آپارماقدا منه چوخ یاردیمجی اولدو. نییه کی رادیونون دانیشیق متنی‌نی یازماق لازیم‌دیر. بو أساس‌دا ایل‌لر أدبیات و پیسخولوژی منیم أن أساس ماراق‌لاریمدان اولدوغوندان دولایی، تورکجه پیسخولوژیک بیر رادیونون یولا سالماق فیکری بئینیمده قیغیلجیم کیمی آلیشدی. ایشدن چیخیب گلیب بیر دانیشیق ضبط إدیب و بوتون دوست‌لارا یوللادیم. هئچ اینانمازدیم بئله قارشیلانسین، بو منی داها ماراقلاندیردی و بو گونه کیمی اون-بئش برنامه دانیشمیشام.
“سو آخار یولون تاپار” آتا-آنالاریمیزدان دئییلرکن چالیشیریق کی گئتدیکجه یولوموزو تاپیب و بو ایشی گلیشدیریب گؤزل بیچیمی‌نه سالاق و تورکجه‌میزده بیلیم‌سل بیر ایش‌لر گؤرک. اوماریم کی یارارلی بیر ایش‌لر گؤره بیلمیش اولاق و زنگین دیلیمیز و أدبیاتیمیزی گلیشدیره‌بیلمکده چوخ بالاجا چالیشمالاریمیز اولسون…

🎤✍️محمد حسن نژاد  ۱۳۹۶/۰۸/۲۹

کایزن‌ین سایت و رادیو(کانال) آدرسی:

WWW.KAYZEN.IR

https://t.me/joinchat/AAAAAD91YnvYXyym7qmBgQ

اگر این مطلب را مفید ارزیابی کردید لطفاً به اشتراک بگذارید :