تانیتیم / شاعر علی رشتبر « قاییب » / غربی آذربایجان-اورمو

تانیتیم / شاعر علی رشتبر « قاییب » / غربی آذربایجان-اورمو

 

شعرلرینده « قاییب »آدلانان علی رشتبر، ۱۳۵۹/۴/۱۱-ده ورزقان‌ین گال آدلی کندینده دونیایا گؤز آچیب، ۱۳۶۹-دا آتاسی محمدین کنددن کؤچمه‌سی‌ایله اورمویا آیاق قویور.

ایلکین تحصیلاتین دوغما کندینده، اورتا مکتبی ده اورمودا کئچیریر. یاشام ندن‌لری قاییب‌ی تحصیل‌دن آییریب شعر ساحه‌سینده اؤزلجه آنا دیلینه اولدوغو ماراغی اوره‌یینه دولدورور، گئتدیکجه هفته‌لیک‌لرین تورکو صحیفه‌لرین اوخوماق‌لا آنا دیلینی اؤیره‌نیر.

بهمن‌وطن اوغلو، آزافلی میکائیل و علی‌عسگر-گؤیچه‌لی کیمی شاعیرلرین شعرلرینه دیققت إدیب آشیق رسول قوربانی‌نین آشیق کاماندارین سئحیرلی سازی‌نا ماراق‌لی اولدوغونا شعر باغچاسینا آیاق قویور. علی رشتبر اؤز قلمی‌نی آشیق شعر فورمالارینین بوتون قالیب‌لرینده سیناییر، دیوان، قوشما هابئله گرایلی‌دا آرتیرمالی‌یام « یول آغلاسین » آدیندنا ایشیق اوزو گؤروموش شعر کیتابی آلقیش‌لار قازانیب.

حیکایه‌لریندن « سارای‌ین کبینی »آددا قیسا حیکایه‌سی غربی-آذربایجانین أدبی ییغیناغیندا ایلکین مقامی قازانیب.

 

نه سن سؤیله؟ جان‌سیزا جان، جانا جان

یاخیب یاندیریرسان، دوشدویون یئری

حیاتا بیر حیات، شن‌لیگه شن‌لیک

کؤچدویون یئرلرده وار دویون یئری

 

سن‌له گولن دوداق گولوش‌سوز اولمور

نه‌قدر آخیرسان اؤلچوسو دولمور

سن‌له بیرگه کؤچن مزاردا سولمور

جهنم‌ده اولور بیر اویون یئری

 

سن آلله پایی‌سان بؤیوک وئرگی‌سن

یارانمیش زالیندا بؤیوک سرگی‌سن

آدین سئوگی سئوگی سئوگی سئوگی‌سن

آلله‌ین توتدوغو او تویون یئری

 

دوزنله‌ین: محمدحسن نژاد

اگر این مطلب را مفید ارزیابی کردید لطفاً به اشتراک بگذارید :