بایاض آلوو / محمد حسن نژاد (گؤرمزلر گونون قوتلایاراق…)

بایاض آلوو / محمد حسن نژاد (گؤرمزلر گونون قوتلایاراق...)

 

 

گون‌سایاری واراقلاییرام آغ-‌آپباغ واراق‌لار اؤزل یازیلارلا منیمسه‌نیبلر دا هر نه‌یی بوردان اوخویوب خاطیرلاماق گره‌کیر نه اونوتقان‌ اولموشوق…؟! واراقلایارکن گؤزلریم دونوب دایانیر خزل‌ین ۲۳ اونده.

تکجه بیر آد وار سنین ایچین گون‌سایاریم‌دا هانسی رادیو رئکلام إدیر سنه حاضیراولان فیلم‌لری؟! دوشونورم گوندم گلیر-چیخاریندا  کیم‌ ألیندن توتوب کؤمک اولور سنه؟ آخی ایندی‌سه گؤزدن گؤزلوک أسگیلیر… أسیرگه‌نیر…بو آج دوشونجه‌لر دؤورانیندا نه زور یاشام وار منیم گؤزوم‌ده سنین ایچین! سانکی گؤز گؤرمه‌یینجه هر نه گئری‌ده قالیر.

من هابئله بیز نه کاسیب‌یق! سنه نه پارک وار نه آلیش وئریش-یئری نه راحات یئریمک اوچون بیر زولاق نه ده هئچ نه… بیر کوچه بئله یوخ سنین آدینا.

بو‌گئنیش آدلانان دونیادان پایین هاردا دیر؟ آی گؤرم بو یارانیش قورال‌لاری‌نی سوروشام بو چیراق‌لاردان سنین پایی‌نی…؟ سنین گونشین هانسی عارسیز داغین دالیندا منیمسه‌نیب؟!

بایاض چلیک گونونه نه اوزله قوتلو اولسون دئییم؟

محمدحسن نژاد

اگر این مطلب را مفید ارزیابی کردید لطفاً به اشتراک بگذارید :