آجی آخشام‌لار / آیهان میانالی

آجی آخشام‌لار / آیهان میانالی

 

 

من اوزاق‌لاردا، بو یاخین قارانلیغین، ایشیغینــدا، گزَرکن…
سن منیم أن اوزاق، یاخینیم‌ اولدون؛

بئله بیر فلسفه‌نین کیلاسیندا،
أزبر اولدوم،
قارانلیق‌داکی
توتقون ایشیغی…
سن گئتدین باتی‌یا
من گئتدیم دوغویا
گونش من‌ده اؤلدو
سن‌ده دوغولدو
و یئر فیرلاندی آجی آخشام‌لاردا…

 

آیهان میانالی

📔Komik Aşklar
🗓۲۰۰۲/۰۵/۲۸

🌐 www.YeniQapi.com

اگر این مطلب را مفید ارزیابی کردید لطفاً به اشتراک بگذارید :