هارا گئتدی او دئییب گولمه‌لی پول‌سوز گون‌لر؟ / ارشد نظری

هارا گئتدی او دئییب گولمه‌لی پول‌سوز گون‌لر؟ / ارشد نظری

هارا گئتدی؟

 

هارا گئتدی او دئییب گولمه‌لی پول‌سوز گون‌لر؟
گله‌جک‌می گؤره‌سن بیر ده او یول‌سوز گون‌لر؟

هاردا قالدی او قارین قورساغی ییرتیق دوست‌لار؟
هامی‌یا قیسمت اولا اوندا کی جیزویز گون‌لر

هارا گئتدی او گولوش سانجیلانان یونگول‌لر؟
زنجفیل اوخالایان نانه‌لی یارپیز گون‌لر

سو گلن آرخا اومود وار یئنه بیر گون گلسین
أمینم قالمایاجاق بو آجی دوزسوز گون‌لر

گؤره‌سن نولدی اوره‌ک گوزگولری کاسلاندی؟!
یئتیر آللاه کسیلی قیرمیزی قارپیز گون‌لر

 

شاعر: ارشد نظری

کلمات کلیدی :

اگر این مطلب را مفید ارزیابی کردید لطفاً به اشتراک بگذارید :