آذربایجان کولتورون‌ده آدلانان دب‌لردن #سامان_شورباسی / رضوان حاجی قاسملو

آذربایجان کولتورون‌ده آدلانان دب‌لردن #سامان_شورباسی/رضوان حاجی قاسملو

آذربایجان کولتورون‌ده آدلانان دب‌لردن #سامان_شورباسی / رضوان حاجی قاسملو

🌾🌾🌾
ایران و هابئله باشقا اؤلکه‌لرده آذربایجانین تانینمیش کولتورونون سای‌سیز ماراق‌لی‌لاری وار، نییه کی کولتورو یاشادان دوغال، دَیرلی و آنلام‌لی دب‌لریمیز اولوب، وار و یاشانیر.
تانینمیش دب‌لریمیزدن اؤزلجه سامان شورباسی‌نین باره‌سینده أکینچی عزیزلر’له کئچیردییمیز موصاحیبه‌نین أساسین‌دا هر ایل یای‌ مؤوسومونه اون گون قالان آرپالار بیچیلیب ییغیشدیریلار و یای دان او گون گئدن بوغدا بیچیمی باشلانار، آرپالارین ساپلاغی آلچاق اولدوغونا گؤره قادین‌لار آرپا بیچیمی‌نه گئدیب آرپانی بیچیردیلر، بو ایش‌’له بنزرلییی اولان بوغدا بیچمه‌ ایشی‌نی ده أرکک‌لر یئرینه یئتیریردیلر، بو سئچیمین نه‌دنی ده بوغدانین اوجا اولدوغو و أشاغی‌دا آراج‌لار باره‌سینده یازیلان تانیتیما باغلی عوامل‌دن آسیلی باشا گئدیردی.
آرپا-بوغدا بیچمه ایشی‌نین فرقی ایشله‌نیلن آراج‌لاری دیر کی هره‌سی ساپلاغی‌نین اوجا یا آلچاق اولدوغونا گؤرا؛ آرپا اوراق‌’لا(اوراق-چین قیسسا دسته‌لی و یاریم داییره‌وی تورکو/ داس دسته کوتاه فارسی) بوغدا دا کَرَنتی‌ایله‌(دَریاز-کرنتی اوزون دسته‌لی تورکو / داس دسته بلند فارسی) بیچیلیردی.
کندین خالقی پول سؤزو آرایا گتیرمه‌دن دئدییمیز ایش‌لرده بیر-بیره کؤمک دوروب تام بیر سوسیالیزم یاشادیردیلار، آرتیرمالی‌یام کی أرسیز، قادین‌سیز یا ایگیت‌سیز عاییله‌نین ده أکین ایشله‌ری بو یئرلی دب‌ده یئرده قالماییب کی هئچ آرتیقراق کؤمک‌لیک’‌له یئرینه یئتیریلیردی. بئله‌سی خوشلوق و دینجلیک‌ده ایش‌لر بیتن‌دن سونرا کؤوشن‌ده شوربا بیشیریب اوزان‌لارین چالقی‌سی‌ایله شن‌لیک یاراناردی، شوربانین یای مؤوسومونده بوغدا بیچمه ایشینه باغلی اولدوغونا گؤره بو دب سامان شورباسی آدلانیب‌دیر.
ماحال-دان-ماحالا بو تؤرنه آرتیرما دب‌لر اولوب اؤرنک اولاراق ایلک دویولن بوغدادان بیشیریب ساری یاغ‌لا(ساری یاغ-حیئوانی یاغ/اینک یا داوار یاغی) یئییردیلر یا دا سامانی اوتونان آزجا قارالدیب و بوغدا کندی‌نین(بوغدا ییغیشان قاب) دؤوره‌سینه جیزیق چکیردیلر، نییه کی برکت‌لی اولوب، یامان گؤزدن اوزاق اولسون.

دانیشدیغیمیز دبین ایشله‌ری گؤرولن زامان اوخونان بایاتی‌لاردان نئچه‌سینی عزیزلر اوچون یازیرام:

🌾🌾🌾

قول‌لاری وئرمیشیک إله(ائله)
بوغدانی وئرمیشیک یئله
سامان‌لی شوربامیز قاینیر
کؤوشن چؤنسون بو گون بئله

قووالادیق یامانی
حاضیرلادیق سامانی
دولدوروروق طؤوله‌یه
ایشله‌نر قیش زامانی

بیلوولودور اوراق‌لار
اوراق سونبول داراق‌لار
آی قیز آیرانی گتیر
قیزاریبدیر یاناق‌لار

آراشدیریب/توپلایان: رضوان حاجی قاسملو

کلمات کلیدی :

اگر این مطلب را مفید ارزیابی کردید لطفاً به اشتراک بگذارید :