اوشاق‌لاری کیتاب’لا یولداش إدین!

اوشاق‌لاری کیتاب'لا یولداش إدین!/ آیهان میانالی

 

اوشاق‌لاری کیتاب’لا یولداش إدین!/ آیهان میانالی

 

دوشونجه‌لی آنا-آتالار اوشاق‌لاری‌نین کیتاب’لا دوست‌لوق قوروب، عؤمور بویو اونلارین اوخوماغینی ایسته‌ییرلر. آنجاق اوشاغا، یالنیز سؤز اولاراق، کیتاب اوخوماسینی سؤیله‌مک یئرینه، اونلارا اؤرنک اولماق اوچون کیتاب اوخوماق داها یاخشی یولدور. سیزلره، اوشاق‌لارینیزین یاشامیـنا إتکی بوراخان، بو گؤزل دوست‌لوغو قازاندیرماق اوچون، نه‌إتمه‌لی اولدوغونوزو، آچیق‌لاییریق.
– إوینیزده کیتاب إوی قورون!
بیر إوین لاپ گؤزل یئری‌نین آدینی آپارساق‌‌، کیتاب إوی کسگین‌لیک’له، بیرینجی آد اولاجاق. کیتاب إوینیزی، باجاردیق’جا، گؤزل و اؤزل، دوزلدین.

– اؤنجه، اوشاغینیزین یانیندا، کیتابا، درس‌لره آییردیغینیز چاغی، شیکایت کیمی آنلاتمایین.
بو ایشی، سئوه‌رک إتدیگینیزی، آچیق‌لایین.

– اونا بیر کیتاب سئچمه‌سی اوچون یاردیم إدرکن، یاشینی و ایستک‌لرینی گؤزده آلین.

– اوشاغینیزا، سیزین ده او یاش‌لاردا سئودیگینیز کیتاب‌لاری، گؤرسه‌دین.

– اونو کیتاب سرگی‌لرینه، کیتاب‌لارین تانیتیم تؤرن‌لرینه، أدبی ییغینجاق‌لارا و بونلار کیمی یئرلره آپارماغینیز، کیتابا اولان ماراغینی آرتیراجاق‌دیر.

– زور’لا، گوج’له، اونا هئچ بیر شئیی، سئودیرمه‌یین!
ماراق، سئوگی و إتکی‌لنمک، یاواش-یاواش اولاناق‌لی اولار.
او زامان، اؤز ألینیز’له، اوشاق‌لارینیزی کیتاب کیمی سئویم‌لی دوست‌دان، بئزدیرمه‌یین.

آیهان میانالی

قایناق: یئنی قاپی/YENI QAPI

کلمات کلیدی :

اگر این مطلب را مفید ارزیابی کردید لطفاً به اشتراک بگذارید :