سس آتین! / ایشیق‌لار داریخیر کیتابین‌’دان / بهزاد بیات فرد “حسرت”

سس آتین! / ایشیق‌لار داریخیر کیتابین‌'دان / بهزادبیات فرد "حسرت"

 

 

سس آتین! بلکه بو سس بیرلیگی گلسین بو کارا
سس آتین بلکه بیری بیزلری بوردان آپارا

بیچیلیب باختیمیزین أگنینه یاس اویخولاری
بیزى هاردان گؤتوروب تانرى گتیرمیش گؤر هارا

بیز آرین سئودالاری آختاریریق آمما آمااااان…!
بورادا سئوگی آدی هرزه یازیلمیش دووارا

بیری‌سی هۆرمه‌ده بیز بوردا سانیردیق ساواشیر
چالیشیرمیش یاخاسین قانجیق ألین‌’دن قوتارا

نه‌یه دۆزگۆنلۆگ آدین هاممی بلشدیردی بئله
دویمادیق دۆزلۆگۆ بیز اینسان آرا-اینسان آرا

کیمی ساغ دیر کار اولوب، کیم ده کی کار دیر سادا کور!
یوخدور اینصاف آتیلیر ساغ کورا کورلار دا کارا

سیز قالیرسیز دا قالین آمما سیز آللاه سس آتین
سس آتین تانری منی سیزلر ألین‌’دن قوتارا

 

اگر این مطلب را مفید ارزیابی کردید لطفاً به اشتراک بگذارید :