بو آخشام شعریم‌’ده خوش گؤردوک سنی / دومان صفر اوغلو

بو آخشام شعریم‌'ده خوش گؤردوک سنی / دومان صفر اوغلو

 

بو آخشام شعریم‌’ده خوش گؤردوک سنی
اؤزونه سیغماییر داها دفتریم
گؤزلری دنیزلر سرگیسی هئی . . . هئی . . .
ایندی سیگارئتیم‌’ده سوروردوم سنی
ایچیمه یایارکن گؤزوم‌دن آخدین
منی اؤز باشینا بوراخان گولوم
نه گؤزل بیر آن’دا تاپیلدین یئنه
اوزاق یول گلیبسن یورقون‌سان أیلش
ألان بیر فینجان‌لیق دینجلدیم سنی
نه گؤزل هدیه‌لر آلیبسان منه،
تئل‌لرینده اولدوز
قوجاغین’دا آی
نه یامان عطش’‌له اؤپورسن منی
بو آخشام شعریم’‌ده خوش گؤردوک سنی

 

اگر این مطلب را مفید ارزیابی کردید لطفاً به اشتراک بگذارید :