تانیتیم / شاعیر-فرزین نقی‌یان / یئنه سن‌سیز خیاوان‌لار بو گئجه قان دیله‌نیر أل-أله گزدیگیمیز بوش کوچه‌لر جان دیله‌نیر

تانیتیم / شاعیر-فرزین نقی‌یان

 

آنا دیلی / تانیتیم / شاعیر-فرزین نقی‌یان

۱۳۷۱ینجی ایل تبریزده دونیایا گؤز آچمیشام، آتام ایدمان‌چی اولدوغونا گؤره کیچیک‌ یاش‌لاریمدان من ده ایدمانا ماراق گؤرستدیم.
دیپلم مدره‌کیمی آلیب أهرین علمی کاربردی دانیشگاهیندا کاردانی مقطعین، مکانیک صنایع رشته‌سینده ایکی تئرم اوخویوب، بیر پارا سورون‌لاردان دولایی یاریمچی‌لیق قویوب ۱۳۹۲-ده عسگرلیگه گئدیب ۱۳۹۳-ده قورتولوب بیر فابریکادا چالیشماغا باشلامیشام،
آتا-آنامین آذربایجان موسیقی‌سی‌نه اولان ماراغی اوزره کیچیک یاش‌لاریمدان شعره اؤزل بیر باغلی‌لیغیم اولوب، نهایتا ۱۳۹۱-دن ادبیات دونیاسی‌نا اوز گتیریب شعر یازماغا باشلامیشام ، اؤنجه‌لر فارسی ترانه یازیب سونرالار تورک ادبیاتیندا چالیشمیشام، بوتای‌دا اولان بؤیوک شاعیرلریمیزدن یارارلانیب گئنه ده اؤیرنمک یولوندایام.

 

یئنه سن‌سیز خیاوان‌لار بو گئجه قان دیله‌نیر
أل-أله گزدیگیمیز بوش کوچه‌لر جان دیله‌نیر

یاپیشیب دیر أتگیم‌دن سورونور هئی بو شهر
نه شهر، بلکه سنی هر کؤشه هر یان دیله‌نیر

داریخیر بوش اوتاغیم غم آسیلیر پنجره‌مه
سسینی تاخجامین اوستونده کی قورآن دیله‌نیر

یوگورور غم قوشوُنو اوستومه اولکور اوره‌گیم
سوسویوبدور قانا قان-قان دئیه قوربان دیله‌نیر

یاسا باتمیش گئجه‌نین سانجی‌سی دولموش سحره
شافاغین آستاناسیندان گئجه‌لر دان دیله‌نیر

باساجاق باغری‌نا یول‌لار گؤزو دونموش جانیمی
سانکی سن‌سیز خیاوان‌لار بو گئجه قان دیله‌نیر

کلمات کلیدی :

اگر این مطلب را مفید ارزیابی کردید لطفاً به اشتراک بگذارید :