من‌ده بیر قوش یووالانماق‌دادی تبریز دئیه‌رک / مهناز. ص. آیتای

من‌ده بیر قوش یووالانماق‌دادی تبریز دئیه‌رک / مهناز. ص. آیتای

 

من‌ده بیر قوش یووالانماق‌دادی تبریز دئیه‌رک
دامغالار ایچره بوتون وارلیغا یالقیز دئیه‌رک

قورو گؤل‌دن چایا اوچماق‌دادی سون دویغولاری
آجی دردین بو غریب اؤلکه‌ده سس‌سیز دئیه‌رک

و سوکوت تورمه‌له‌ییب گوزگو تک آیدین دیلی‌نی
نیسگیل ایله قَهَرین هر گئجه گوندوز دئیه‌رک

اویونور قوچ نبی، ستار خانا مشروطه‌چی تک
تاریخین چیگنینه گؤرکم‌لی مین اولدوز دئیه‌رک

داریخیر، چیپچالاییر هئی اؤزونو دام_ دووارا
أرک إدیب حسرتی‌نی “أرگینه ” سیز _ سیز دئیه‌رک

إل گولونده اوتوروب اورمویا دیز چؤکمه‌ده دیر
گؤز یاشین آخماسینی دوزلاغی‌نا ایز دئیه‌رک

گؤی مچیددن اوجالیر آخ واییمیز عئینالی‌یا
چن ده‌، چووغون‌دا ایترکن سونا ، کهریز دئیه‌رک

تبریزین بیتگی‌لرین قیرماسین “آیتای” بو قدر
باسیریق آغریمیز اوسته نانا‌، یارپیز دئیه‌رک.

اگر این مطلب را مفید ارزیابی کردید لطفاً به اشتراک بگذارید :