کیم‌دن گیلئییم یوخدو یازیم بلکه بئله‌ایمیش / ثریا بخشی (آیلار)

کیم‌دن گیلئییم یوخدو یازیم بلکه بئله‌ایمیش / ثریا بخشی (آیلار)

 

حسرت یاراسی هر گئجه-گوندوز اوره‌ییم‌ده
بیر-بیر باش آچیب گؤینه‌دی گؤز-گؤز اوره‌ییم‌ده

من‌دن نئچه ایل‌لر قارا بختیم نئجه کوسموش
دؤندردی اوزون دیمه-دوشر اؤز اوره‌ییم‌ده

کیم‌دن گیلئییم یوخدو یازیم بلکه بئله‌ایمیش
آرزیم گلینی دای قالا سون‌سوز اوره‌ییمده

هر درد جانیمین قصدینه گلمیش تانیییرمیش
داغ‌لار قدری چکمه‌گه وار دؤز اوره‌ییمده

قیش گلسه سازاق کسسه کولک اولسا دا دور گل
بیر پای سن ایچین ساخلامیشام کؤز اوره‌ییمده

هاردان هارا گؤر چکدی منی گتدی خیالین
وای-وای نه قدر قالمیش‌ایمیش سؤز اوره‌ییمده

بو سئوگینی بو سئودانی بو ایسته‌یی آیلار
قییما توکه‌نیب قورتارا سن‌سیز اوره‌ییمده

اگر این مطلب را مفید ارزیابی کردید لطفاً به اشتراک بگذارید :